SQO-da bir adamǵa ortasha eseppen 23 sharshy metr turǵyn úıden keledi

PETROPAVL. KAZINFORM — Soltústik Qazaqstan oblysynyń turǵyn úı qory bir jylda 130 myń sharshy metrge ulǵaıdy.

Turǵyn úı qory statıstıkalyq tirkeliminiń derekteri boıynsha SQO-da 2025 jylǵy 1 qańtarda turǵyn úı qory 12,8 mln sharshy metrdi quraǵan. Onyń 46,5% — qalalyq, qalǵany aýyldyq turǵyn úı qoryna jatady. Sonyń ishinde 2,7% ǵana memlekettik turǵyn úı qorynyń úlesinde. Qalǵany jeke menshik.

Al syrtqy qabyrǵalaryna qoldanylǵan materıaly boıynsha turǵyn úılerdiń jalpy alańyna keler bolsaq: 49% — túrli qabyrǵa materıaldary, 30 — kirpish, tas, 14 — úlken panelder, 4,5 — saman, 1,5 — monolıtti beton (temir-beton), 0,3 — karkas panel, 0,3% iri blok qoldanylǵan.

Oblys boıynsha jalpy turǵyn úı alańyn bir adamǵa shaqqanda 23 sharshy metrden keledi.

Buǵan deıin Astanada 600-ge jýyq qurylys kompanııasy zań buzǵanyn jazǵan edik.