SQO-da boıjetken qyzdyń múrdesi tabyldy
PETROPAVL. QazAqparat – Soltústik Qazaqstan oblysynda sáýir aıynda joǵalǵan 22 jastaǵy boıjetken óli tabyldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 1 tamyz kúni saǵat 19.00 shamasynda «102» pýltine ólgen áıel adamnyń denesi tabylǵandyǵy jóninde habarlama túsedi. Múrde Petropavldaǵy «Rechport» aýdanynda ornalasqan tazartý qurylystarynan tabylǵan.
Oqıǵa ornyna birden jedel-tergeý qyzmeti shyǵyp, tıisti sharalardy atqardy.
Tabylǵan múrde sot-medıtsınalyq saraptamaǵa jiberildi. Onyń qorytyndysy bir aıdan keıin belgili bolmaq. Aldyn ala boljam boıynsha, bul sáýir aıynda joǵalǵan boıjetkenniń máıiti.
Bul derek Sotqa deıingi tergep-tekserýlerdiń biryńǵaı tizilimine engizildi. Tergeý júrgizilip jatyr.
