SQO-da Botaı mádenıetine arnalǵan kórkem fılm túsirilip jatyr
PETROPAVL. KAZINFORM – Soltústik Qazaqstan oblysynda aýqymdy kınojobaǵa kastıng júrip jatyr. Bıyl Botaı mádenıetine arnalǵan kıno týyndy óndirisi aıaqtalmaq.
Kórkem fılmniń túsirilimi byltyr bastalǵan edi. Bolashaq kartınanyń keı epızodtary Aıyrtaý aýdanynda, «Botaı» memlekettik tarıhı-mádenı mýzeı-qoryǵy aýmaǵynda túsirildi.
Ulttyq kınony qoldaý memlekettik ortalyǵynyń basqarma tóraǵasy Qurmanbek Jumaǵalıdiń aıtýynsha, ǵajaıyp tarıhı faktini dáleldeıtin jáne zerdeleıtin fılmniń ataýy - «Botaı. Ǵaıyp ǵalam».
Kórkem fılm bıylǵy 24 kınojobanyń qataryna endi.
- Bul - shynaıy oqıǵalarǵa negizdelgen shytyrman boevık, jarqyn epızodtarǵa, áserli sátterge jáne tarıhı syrǵa toly joba. Kartınada shamamen 6 myń jyl burynǵy Botaı mádenıeti negizge alynǵan, ári Qazaqstan aýmaǵynda adamzat tarıhynyń eń mańyzdy jetistikteriniń biri – atty qolǵa úıretýdiń alǵashqy izderi kórinis tabady.
Osyndaı tarıhı faktilerdi biz qoǵamǵa jetkizýimiz mańyzdy dep esepteımin. Jýyrda jobanyń shyǵarmashylyq tobymen kezdestim. Aldaǵy josparlarymen tanysyp, óndiris barysyn talqyladyq. Kórermendi tańǵaldyratyn áserli nátıje shyǵatyny sózsiz, - dedi Qurmanbek Jumaǵalı.
Buǵan deıin kınoteatrlar ulttyq fılmderdi kórsetýge qyzyǵýshylyq tanytpaı otyrǵanyn jazǵan edik.