SQO-da Botaı mádenıetiniń mýzeıin salýǵa 2 mlrd teńge bólinedi
PETROPAVL. QazAqparat - Soltústik Qazaqstan oblysynda Botaı mádenıetiniń mýzeıi salynady, dep habarlaıdy QazAqparat tilshisi.
Oblys ákimi Qumar Aqsaqalov Elbasynyń «Uly dalanyń jeti qyry» maqalasynyń aıasynda óńirde Botaı mádenıetiniń mýzeıin - eneolıt dáýirindegi taıpalar mádenıetiniń eskertkishin salý jumystary jalǵasyp jatqanyn jetkizdi. Ákimniń aıtýynsha, buǵan 2019 jyly respýblıkalyq bıýdjetten 2 mlrd teńge bólinedi.
Botaı qonysy Aıyrtaý aýdanynda ornalasqan. Sheteldik zertteýshiler jylqy maly alǵash ret bizdiń zamanymyzǵa deıingi tórtinshi myń jyldyqta Soltústik Qazaqstan aýmaǵynda qolǵa úıretilgenin rastap otyr.
Osy qonys týraly Qumar Aqsaqalov Qazaqstan men Reseıdiń prezıdentterine Petropavlda ótken XV Óńiraralyq yntymaqtastyq forýmynda aıtyp bergen bolatyn.
Jergilikti bılik týrızmdi damytý boıynsha aýqymdy jospar jasap otyr. Oblys ákimi Imantaý-Shalqar kýrorttyq aımaǵyn damytý josparynyń jasalyp jatqany, Astana men Reseıdiń óńirlerin jalǵaıtyn avtomobıl joldarynyń kúrdeli jóndelgenin aıtty.
Oblys ákimdiginiń ókilderi sońǵy eki jylda Reseı Federatsııasynyń óńirlerinen Soltústik Qazaqstanǵa kelgen týrısterdiń sany eki ese artqanyn aıtyp otyr. 2019 jyly bul kórsetkish taǵy da eselene túsedi degen úmit bar.
Avtor: Olesıa Jýkoven
