SQO-da boryshkerlerden 14 mln teńge óndirip alyndy
PETROPAVL. QazAqparat - Soltústikqazaqstandyq polıtsııa aıyppuldan jaltarǵan quqyq buzýshylardy anyqtaý boıynsha júrgizilgen 4 kúndik reıdtiń qorytyndysyn shyǵardy, dep habarlaıdy «QazAqparat» HAA tilshisi SQO ІІD baspasóz qyzmetine silteme jasap.
«Qasaqana qaryz qaıtarmaıtyndarǵa qatysty QR ÁQBtK «Sot úkimin, sot sheshimin nemese ózge de sot aktisin jáne atqarýshylyq qujatty oryndamaý» boıynsha 5 táýlikke qamaý túrindegi ákimshilik jaza qoldanylýy múmkin. Jolda júrý erejesi boıynsha aıyppuldaryn tólemegen azamattar QR «Jol qozǵalysy týraly» Zańyna sáıkes, kólikterin tirkeýge qoıý nemese júrgizýshi kýáligin berý sekildi memlekettik qyzmet kórsetilmeıtinin este saqtaǵany jón», - dep atap ótti SQO ІІD ÁPB bastyǵynyń mindetin atqarýshy Bolat Jeksembınov.
Tórt kúnde polıtsııa 1905 túbirtek boıynsha 14 mıllıon teńgeden astam qarajat óndirip aldy. «Jol prıstavy» avtokeshen ekıpajy 347 dana avtokólik quraldaryn tekserip, 179 túbirtek boıynsha 1,5 mıllıon teńge óndirip aldy.
