SQO-da borannyń saldarynan jolda birneshe kólik soqtyǵysty
PETROPAVL. QazAqparat – Soltústik Qazaqstan oblysynda aqtútek borannyń saldarynan avtojolda birneshe kólik soqtyǵysty, zardap shekkender joq, dep habarlaıdy QazAqparat tilshisi.
SQO polıtsııa departamentiniń málimetinshe, oqıǵa 11 naýryz kúni boldy.
«Jezqazǵan-Petropavl» avtojolynyń 824-shaqyrymynda joldy qar alyp qalyp, GAZel kóliginiń júrgizýshisi amalsyzdan toqtaǵan.
Sol baǵytta kele jatqan ekinshi «GAZel» kóliginiń júrgizýshisi borannan aldynda toqtap turǵan mashınany kórmeı, soqqan.
Onyń sońynan kele jatqan «Toyota Hilux» avtokóliginiń júrgizýshisi joldaǵy jaǵdaıdy kesh baıqap, apatqa ushyraǵan mashınalarmen soqtyǵysqan.
Al KAMAZ kóliginiń júrgizýshisi apattan qashyp jol jıegine túsip ketti.
Polıtsııanyń málimetinshe, jol-kólik oqıǵasynan zardap shekkender joq.
SQO-da birneshe kúnnen beri boran basylmaı tur.
Aýa raıynyń qolaısyzdyǵyna baılanysty keshe 11 naýryz kúni saǵat 15.00 shamasynda barlyq baǵyt boıynsha avtojoldar jabyldy.
