SQO-da boranǵa baılanysty respýblıkalyq jol jabyldy
PETROPAVL. QazAqparat – Soltústik Qazaqstan oblysynda burqasynǵa baılanysty respýblıkalyq mańyzy bar jol jabyldy, dep habarlaıdy QazAqparat tilshisi.
«Petropavl-Jezqazǵan» baǵytyndaǵy avtojoldyń jabylǵandyǵy jóninde 112 qyzmeti habarlady.
Sms-habarlamada «Petropavl-Jezqazǵan» A-16 trassanyń 595-624 km jabyq delingen.
Kólikterdiń qozǵalysyn shekteýge óńirdegi boran sebep boldy.
Keshe arnaıy qyzmet SQO aýmaǵynda sekýndyna 28 metrge deıin qatty jel turatynyn eskertken bolatyn.
Eske sala keteıik, munyń aldynda aýa raıynyń buzylýyna baılanysty Nur-Sultan men Atbasar arasynda jol jabylǵan bolatyn.
