SQO-da boranǵa baılanysty birneshe baǵyttaǵy joldar jabyldy
PETROPAVL. QazAqparat – Soltústik Qazaqstan oblysynda aýa raıynyń nasharlap, boran turýyna baılanysty birneshe baǵyt boıynsha avtojoldarda kóliktiń júrýine shekteý qoıyldy, dep habarlaıdy QazAqparat tilshisi.
SQO polıtsııa departamentiniń málimetinshe, 18 aqpan saǵat 11.30-dan bastap «Jezqazǵan-Petropavl» respýblıkalyq tas jolynyń 595-shi shaqyrymynan 673-shi shaqyrymy - Aqmola oblysynyń shekarasy Toqsan bı aýylyna deıin jáne saǵat 12.00-den bastap Aıyrtaý, Tımırıazev, Shal aqyn aýdandarynda jáne Ǵ. Músirepov atyndaǵy aýdandaǵy oblystyq mańyzdaǵy joldarda barlyq kólik túrleri úshin qozǵalys shekteldi.
Oblys aýmaǵynda jel kúsheıip, boran soǵyp tur. Syrǵyma júrip, 50 metrden ári qaraı joldyń kórinýi nasharlady. Osyǵan baılanysty polıtseıler oblys turǵyndaryna alys saparǵa, eldi mekender men qala aýmaǵynan shyqpaýǵa keńes beredi.
