SQO-da boranda jolda qalǵan 330 adam qutqaryldy
PETROPAVL. QazAqparat – Soltústik Qazaqstan oblysynda qutqarýshylar mereke kúnderi soqqan borannda jolda qalǵan 330 adamdy qutqaryp, qarǵa batyp qalǵan 130-dan astam kólikti shyǵardy, dep habarlaıdy QazAqparat tilshisi.
SQO tótenshe jaǵdaılar departamenti basqarmasynyń bastyǵy Dmıtrıı Rastıhınniń aıtýynsha, ótken demalys kúnderi óńir aýmaǵynda 5 ret daýyldy eskertý jarııalandy. Qolaısyz aýa raıyna baılanysty respýblıkalyq 4, oblystyq 10 jol ýchaskesi jabyldy.
«Osy kúnderi qar qursaýynan 120-dan astam jeńil kólik, 9 júk kóligi jáne 2 avtobýs shyǵaryldy. 330 adamdy qutqaryp, 26 adamdy evakýatsııaladyq», - deıdi Dmıtrıı Rastıhın.
Aıyrtaý aýdanyndaǵy Lavrovka eldimekeniniń mańynda Petropavl-Saýmalkól baǵytynda bara jatqan avtobýs qarǵa batyp qalǵan. Jolaýshylardy qaýipsiz jerge shyǵarý úshin arnaıy jabdyqtalǵan aýyr kólik jiberilip, turǵyndar Saýmalkóldegi orta mektepte ornalasqan jylytý pýnktine jetkizildi.
«Jalpy jyl basynan oblys joldarynda 26 apattyq-qutqarý jumysy júrgizildi. Boranda joǵalǵan adamdardy tabý úshin 8 operatsııa uıymdastyryldy. Osy aralyqta omby qar kesirinen 130-ǵa jýyq keptelis tirkeldi. Oblysta qańtar aıynan beri barlyq baǵyttaǵy joldar 40 ret jabyldy», - deıdi basqarma basshysy.
SQO-da 26 naýryz erteń de eskertý jarııalanǵan. Mamandardyń aıtýynsha, qatty jel soǵyp, ekpini sekýndyna 20 metrge deıin jetpek.
