SQO-da boranda adasqandardy izdeýge 14 mobıldi top quryldy
SQO Tótenshe jaǵdaılar departamenti baspasóz qyzmetiniń málimetinshe, 14 mobıldi top Petropavlda jáne oblystyń aýdandarynda jumys isteıdi. Onyń quramyna qutqarýshylardan bólek jergilikti polıtsııa qyzmeti, jergilikti atqarýshy organ, shekara qyzmeti ókilderi men eriktiler kirgen. Barlyǵy 360 adam quramynda bar. Boranda baǵytynan aıyrylǵandardy izdep tabýǵa qarda batpaıtyn 188 tehnıka men 28 qar keshkish kólik ázirlendi.
«Qazgıdromettiń» aldyn ala boljamynsha, bıyl negizinen qys jyly, biraq jaýyndy-shashyndy bolmaq. Qarasha aıynda qubylmaly aýa raıy kútilýde. Tipti kúnniń jylynýynan úshinshi on kúndikte qar erip, kóktaıǵaq bolmaq. Apattyq-qutqarý jumystaryn júrgizýge ótimdiligi joǵary 60 arnaıy tehnıkany ázirledik. Jedel evakýatsııalaýǵa qoldanylatyn 9 vahtovkamyz bar. Olardy joldary jıi qar alyp qalatyn aýdandarǵa jiberdik», - deıdi SQO TJD bastyǵynyń orynbasary Igor Jýkov.
Budan basqa bıyl avtojoldarda 300 jylytý pýnkti ashylmaq. Onyń 10-y respýblıkalyq mańyzdaǵy joldarda ornalassa, 30-y oblystyq, qalǵany jergilikti mańyzdaǵy joldarda bolady.