SQO-da boranda adasqan eki malshy aman tabyldy
PETROPAVL. QazAqparat – Soltústik Qazaqstan oblysynda keshe aq tútek boranda tabyn sońynan ketip, adasqan eki malshy búgin túske taman aman tabyldy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, Esil aýdany Amangeldi aýylynyń eki baqtashysy 23 aqpan kúni saǵat 16.00 shamasynda tabynnyń sońynan ketken. Biraq qol sozym jer kórinbeıtin boranda joldan adasqan. Er adamdar uıaly telefonmen baılanysqa shyǵyp, ormandy panalaǵandaryn aıtqan. Olardy izdeýge 40 adam jumyldyryldy.
Nátıjesinde búgin saǵat 12.00 shamasynda aman-esen tabyldy. Er adamdardyń jaǵdaılary jaqsy, aýdandyq aýrýhanaǵa baryp, medıtsınalyq tekseristen ótýge bas tartty.
Buǵan deıin SQO aýmaǵynda 23 aqpan kúni bolǵan borannan 5 adamnyń joǵalǵanyn aıtqan edik.
Sondaı-aq 18 eldi meken jaryqsyz qaldy.
