SQO-da boranda 5 adam joǵalyp, úsheýi aman tabyldy
PETROPAVL. QazAqparat – Soltústik Qazaqstan oblysynda qatty borannyń saldarynan 5 adam joǵalyp, olardyń úsheýi aman-esen tabyldy. Qalǵan ekeýimen baılanys bar, izdeý jumystary jalǵasýda, dep habarlaıdy QazAqparat tilshisi.
SQO tótenshe jaǵdaılar departamenti bastyǵynyń orynbasary Murat Qanǵojınov brıfıng barysynda boranǵa baılanysty óńirdegi jaǵdaıdy aıtyp berdi.
«23 aqpan kúni saǵat 11.30 bastap barlyq baǵyttaǵy avtomobıl joldary jabyldy. TJD jedel shtab qurylyp, oǵan TJD mamandary, jergilikti polıtsııa qyzmeti, «Qazaqavtojol» jáne jolaýshylar kóligi, avtomobıl joldary basqarmasynyń ókilderi kirdi. Bir táýlik ishinde 3600-deı qońyraý qabyldandy», - deıdi Murat Qanǵojınov.
Oblys aýmaǵynda boranda adasqan 5 adamdy izdeýge týra kelgen. Onyń úsheýi Esil aýdanynda, bireýi – Taıynsha jáne endi biri Aqqaıyń aýdandarynda joǵalǵan.
«Búgin saǵat 10.00-ge deıin olardyń úsheýi tabyldy. 2003 jyly týǵan jasóspirim ıAvlenka eldi mekeninde joǵalǵan. 23 aqpan kúni ol saǵat 11.00 shamasynda atqa minip, aýyl syrtyna shyqqan. Saǵat 18.00 shamasynda balanyń joǵalǵandyǵy jóninde ákesi habarlasyp, kómek surady. Petropavldan «TREKOL» arnaıy kóligi jiberildi. Qarda júrgish kólikter, ınjenerlik tehnıka shyǵaryldy. Jasóspirimdi izdeýge qutqarýshylar, polıtseıler jáne jergilikti ákimdik qyzmetkerleri shyqty. Túngi saǵat 1.29 mınýt ketkende bala ıAvlenkadan 4 shaqyrymdaı jerden ormannan tabyldy. Ony polıtseıler men ákimdik qyzmetkerleri taýyp aldy», - deıdi TJD bastyǵynyń orynbasary.
1971 jyly týǵan er adam Esil aýdanynyń Vlasovka eldi mekeninde joǵaldy. Ol aýyldan 3 shaqyrym jerden aman-esen tabyldy.
Al Taıynsha aýdanynyń Súgirbaı aýylynan saǵat 8.00 shamasynda malshy tabynnyń sońynan shyqqan. Keshke deıin baılanysqa shyqpaǵan. Keıin jumys berýshige habarlasyp, qamystyń ishinde júrgenin aıtqan. Er adamdy izdeýge qutqarýshylar, polıtseıler, jergilikti atqarýshy organ ókilderi jumyldyryldy. Borannan túnde tabylmady. Tańerteń saǵat 8.45-te ol ózi atymen úıine keldi.
