SQO-da boran soǵyp tur: 4 aýdanda joldar jabyldy
PETROPAVL. QazAqparat – Soltústik Qazaqstan oblysynyń tórt aýdanynda boranǵa baılanysty joldar jabyldy, dep habarlaıdy QazAqparat tilshisi.
SQO tótenshe jaǵdaılar departamentiniń málimetinshe, búgin saǵat 18.00-de aýa raıynyń nasharlaýyna baılanysty Aıyrtaý, Tımırıazev, Esil jáne Shal aqyn aýdandarynda kóliktiń barlyq túrleri úshin oblystyq mańyzy bar joldar jabyldy. Óńirde jeldiń ekpini kúsheıip, borandatyp tur.
«Qazgıdromet» RMK málimetinshe, SQO-da túnde jeldiń ekpini sekýndyna 15-20 metrge deıin kúsheımek. Túnde -4-6 gradýs sýyq bolsa, 25 aqpan kúni kúndiz -2 gradýs aralyǵynda. Qar jaýyp, syrǵyma júredi, kóktaıǵaq bolmaq.
