SQO-da boran kúsheıip, respýblıkalyq baǵyttaǵy birqatar jol jabyldy
PETROPAVL. QazAqparat – Soltústik Qazaqstan oblysynda borannyń kusheıýine baılanysty taǵy da birqatar avtomobıl joldary jabyldy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, aýa raıynyń buzylýynan kórý 50 metrge deıin shektelgen, apattyq jaǵdaıǵa jol bermeý maqsatynda saǵat 15.00-den bastap taǵy birqatar respýblıkalyq baǵyttaǵy avtojoldar jabyldy. Olardyń qatarynda:
- A-16 «Jezqazǵan-Petropavl» 781-954 km (Sergeevkadan Petropavl qalasyna deıin);
- M-51 «RF Chelıabi shekarasynan Novosibir qalasynyń shekarasyna deıin» 465-655 km;
- A-21 «Mamlıýtka-Qostanaı» 0-180 km;
- R-57 «Peterfeld -Arhangelsk-Novokamenka»
- A-16 «Jezqazǵan-Petropavl» 0-31 km;
- A-12 «Petropavl-Sokolovka-RF shekarasyna deıin (Ishım jaǵy)» 11-73 km,
-A-13 «Kókshetaý-Kıshkenekól-Bıdaıyq-RF shekarasyna deıin (Omby jaǵy)» 50-186 km (Aqmola oblysynyń shekarasynan Talshyq eldi mekenine deıin);
- R-62 «Petropavl áýejaıyna baratyn jol» 0-5 km;
- R-49 «Petropavl aınalma joly» 0-30 km.
SQO TJD buǵan deıin saǵat 10.15 mınýt ketkende boarnǵa baılanysty respýblıkalyq mańyzy bar joldardyń bar bóligin japqan edi.
«Qazgıdromet» RMK SQOF málimetinshe, qolaısyz aýa raıy erteń de saqtalmaq.
6 naýryz kúni óńirde qar jaýyp, tuman túsedi, keı jerlerde boran soǵyp, kóktaıǵaq bolady.
Ońtústik-batystan soqqan jeldiń ekpini sekýndyna 15-20 metrge deıin, túnde 23-28 m/s jetpek.
Osyǵan baılanysty SQO TJD eldimeken aýmaǵynan uzap shyqpaýǵa keńes beredi.
