SQO-da bıylǵy túlekterge 50 bilim grantyna qarjy bólindi
PETROPAVL. QazAqparat – Soltústik Qazaqstan oblysyna qajet mamandardy daıarlaý úshin bıýdjetten 50 bilim grantyna qarjy bólindi, dep habarlaıdy QazAqparat tilshisi.
Búgin SQO bilim basqarmasynyń basshysy Gúlmıra Kárimova óńirlik kommýnıkatsııalar qyzmetiniń brıfıngine qatysyp, 2020-2021 oqý jylynyń erekshelikteri týraly aıtyp berdi.
Sondaı-aq, bıyl oblys bıýdjetinen óńir úshin suranysqa ıe mamandyqtar boıynsha 50 bilim grantyna qarajat bólingenin habarlady.
«20 grant «Jalpy medıtsına» mamandyǵyna, 15 grant «Veterınarııa», «Mal sharýashylyǵy ónimderin óndirý tehnologııasy», «Agronomııa», «Bilim berý» mamandyqtaryna 5 granttan beriledi. Buǵan deıin oblys ákiminiń granttary 2018 jyly bólindi. Ol joly 75 túlekke oblys bıýdjeti esebinen tegin bilim alýǵa múmkindik berildi», - deıdi Gúlmıra Kárimova.
Muǵalim mamandyǵynyń mártebesi artýyna baılanysty bıyl pedagogıkalyq mamandyqtarǵa ótý baly ósken. Eger eki jyl buryn pedagogıkalyq mamandyqqa ótý úshin 50 baldy jınaý jetkilikti bolsa, byltyr ol 70 balǵa deıin kóterildi. Bıyl 75-ke jetip otyr.
