SQO-da bıyl JRVI-men aýyrǵandar sany 23 paıyzǵa artty

PETROPAVL. QazAqparat – Soltústik Qazaqstan oblysynda qazan aıynan bastap jedel respıratorlyq-vırýstyq ınfektsııany juqtyrýdyń 14 888 jaǵdaıy tirkeldi. Bul ótken jyldyń sáıkes merzimimen salystyrǵanda 23 % artyq, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti baspasóz qyzmetiniń málimetinshe, bıylǵy epıdemııalyq maýsym - 1 qazannan bastap JRVI-men aýyrýdyń 14888 jaǵdaıy tirkeldi, ótken jyldyń sáıkes kezeńide 12040 adam aýyrǵan.

Naýqastardyń 67 % - 14 jasqa deıingi bala.

Sondaı-aq óńirde tumaýdy juqtyrǵandar sany da artqan. 14 qazannan beri oblysta V tıpti tumaýdyń zerthanalyq rastalǵan 179 jaǵdaıy tirkeldi.

Juqtyrǵandardyń 13-i júkti áıel, 67-si 14 jasqa deıingi bala.

«Qazirgi ýaqytta tumaýdyń aldyn alýdyń tıimdi ádisteriniń biri -vaktsınatsııa. Búgingi tańda oblysta qaýip tobyna jatatyn 75 myń adamǵa vaktsına egildi, olar: medıtsına qyzmetkerleri, medıtsınalyq uıymda dıspanserlik esepte turǵan balalar, sábıler úıleriniń balalary, qarttar úıleriniń kontıngenti, epıdemıologııalyq kórsetkishter boıynsha 2-3 trımestrdegi júkti áıelder, sozylmaly aýrýlary bar adamdar, 65 jastan asqan adamdar», - deıdi SQO sanıtarııalyq-epıdemıologııalyq baqylaý departamentiniń bas mamany Aınash Saǵandyqova.

Tumaýǵa qarsy vaktsına alǵan 75 myń adamnyń ishinde 4 600-i oqýshy, 8 515-i medıtsına qyzmetkeri, 584-i júkti áıel.

Sondaı-aq sozylmaly aýrýlary bar 24 myńnan astam adam jáne epıdemıologııalyq kórsetkishter boıynsha 37 myńnan astam adam vaktsınamen qamtyldy.

Aınash Saǵandyqovanyń aıtýynsha, tumaýǵa qarsy vaktsınatsııadan basqa, qarapaıym saqtyq sharalaryn da esten shyǵarmaý qajet. ıAǵnı betperde kııý, áleýmettik qashyqtyqty saqtaý, múmkindiginshe adamdar kóp jınalatyn jerlerge barmaý, jeke gıgıena erejelerin saqtaý - qoldy sabynmen múmkindiginshe jıi jýý kerek, óıtkeni tumaý vırýsy aýa tamshylary arqyly ǵana emes, sonymen qatar turmystyq zattar arqyly da taralady.

Sonymen qatar, ımmýnıtetti barlyq qoljetimdi tásildermen kótergen jón.

Sonyń ishinde dene shynyqtyrý, jumys jáne demalys rejımin saqtaý, jetkilikti uıqy, mıkroelementter men dárýmenderdiń, ásirese «S» vıtamıniniń, sarymsaq pen pııazdyń jetkilikti mólsheri bar durys tamaqtaný.

Al aýyryp qalǵan jaǵdaıda úıge dárigerdi shaqyryp, ınfektsııanyń odan ári taralýyn boldyrmaý úshin balabaqshaǵa, mektepke barmaý kerek.