SQO-da bıyl úsh aýysymdyq mektep máselesi tolyq sheshiledi
PETROPAVL. QazAqparat - Soltústik Qazaqstan oblysynda bıyl úsh aýysymda bilim beretin mektepter máselesi tolyǵymen sheshiledi. Sondaı-aq ondaǵan jyldar boıy jóndeý kórmegen bilim mekemeleri kúrdeli jóndeýden ótkiziledi, dep habarlaıdy QazAqparat tilshisi.
Bıyl oblystaǵy mektepterdi jóndeýge bólinetin qarjy kólemi 12 esege ulǵaımaqshy. 120 mektepti jóndeýge 5 mlrd teńge baǵyttalady. Bul jaıynda oblys ákimi Qumar Aqsaqalov halyq aldyndaǵy eseptik kezdesýde málimdedi.
«Kóp jyldar boıy qarjynyń joqtyǵynan mektepterdi jóndeýge 400 mln teńge bólinip keldi. Bıyl 120 mektepti jóndeýge 5 mlrd teńge bólindi. Bul mektepterde 35 myń oqýshy oqıdy», - dedi Qumar Aqsaqalov.
Qazir Petropavl qalasynda 2 400 orynǵa shaqtalǵan 3 mektep salynýda. Sóıtip, úsh aýysymdaǵy mektepterdiń máselesi sheshimin tabady.
Óńir basshysynyń aıtýynsha, oblystaǵy 3-6 jastaǵy balalardyń barlyǵy balabaqshamen qamtylǵan. Byltyr ashylǵan Oqýshylar saraıynda 1,5 myń bala qosymsha bilim alady.
Aıta keterligi, «Digital URPAQ» saraıy - Elbasynyń soltústikqazaqstandyq balalarǵa jasaǵan syıy. Qazirgi ýaqytta munda robottyq tehnıka, kórkemóner, mádenıet, ǵylymdardy qamtyǵan 87 úıirme bar. Osynyń arqasynda qosymsha bilimmen qamtý 91% jetti.
Sondaı-aq M. Qozybaev atyndaǵy SQMÝ-niń jańa oqý-zerthana korpýsy salynady. Stýdentter úshin 2 myń oryndyq 5 jataqhana turǵyzylady.
