SQO-da bıyl tyıym salynǵan ádebıetterdi ákelýdiń 6 faktisi tirkeldi
SQO polıtsııa departamenti baspasóz qyzmetiniń málimetinshe, jalpy jyl basynan beri oblysta dinı zań buzýshylyqtyń 18 deregi anyqtalǵan. Onyń basym bóligi elge ruqsat etilmegen dinı kitaptardy engizýge baılanysty.
Atap aıtqanda, Reseıdiń Qorǵan oblysymen shekaradaǵy «Jańajol» baqylaý-ótkizý pýnktinde ózge el azamattarynyń sheteldik ýaǵyzshylardyń tyıym salynǵan dinı kitaptaryn ótkizbek bolǵany anyqtaldy. Osy 6 faktisi boıynsha barlyq quqyq buzýshylar ákimshilik jaýapkershilikke tartyldy.
Tártip saqshylary dinı sıpattaǵy aqparattyq materıaldar men zattardy taratýǵa tek ǵıbadat úılerinde (ǵımarattarynda), rýhanı (dinı) bilim berý uıymdarynda, sondaı-aq jergilikti atqarýshy organdar arnaıy aıqyndaǵan statsıonarlyq úı-jaılarda ǵana ruqsat beriletinin eske salady. ıAǵnı dinı ádebıetterdi satýǵa dúkenderge arnaıy ruqsat qajet. Oblysta osyndaı 16 saýda orny bar.
Sondaı-aq SQO PD ekstremızmge qarsy is-qımyl basqarmasynyń qyzmetkerleri ınternet arqyly da ádebıetter men ǵıbadat zattaryn satýǵa, sonyń ishinde áleýmettik jelilerde dinı aqparatty taratýǵa tyıym salynatyndyǵyn eskertedi.
