SQO-da bıyl «Serpin» baǵdarlamasymen 203 stýdent dıplom alady
PETROPAVL. QazAqparat – Soltústik Qazaqstan oblysynda bıyl «Serpin» baǵdarlamasymen 203 stýdent dıplom alyp shyqsa, onyń teń jartysy bolashaq ustazdar, dep habarlaıdy QazAqparat tilshisi.
SQO Bilim basqarmasynyń málimetinshe, bıyl bitiretin 102 jas maman 12 pedagogıkalyq mamandyqty ıgerip shyǵady. Qazirgi tańda óńirde bilim berý mekemelerinde kadr tapshylyǵy joq. Alaıda jyldaǵy kóshi-qonǵa baılanysty jańa oqý jylynda 99 qazaq tildi mamanǵa suranys týmaq. Qazir bul oryndarda negizinen zeınet jasyndaǵy muǵalimder jumys istep jatyr.
«Qazirdiń ózinde «Serpin» baǵdarlamasymen bitiretin bıylǵy jas mamandardyń 90% 10 pedagogıkalyq mamandyq boıynsha jumysqa alynady dep aıta alamyz. Bul ázirshe, aldyn ala boljam. Negizgi kóshi-qon mamyr-maýsym aılarynda, demalys ýaqytynda júredi. Sol kezde oblysqa qansha muǵalim qajet ekendigi belgili bolady. Túlekterdiń jartysynan astamy oqýlaryn magıstratýrada jalǵastyrýdy josparlaǵan», - deıdi SQO Bilim basqarmasynyń jetekshisi Gúlmıra Kárimova.
SQO Jumyspen qamtýdy úılestirý jáne áleýmettik baǵdarlamalar basqarmasynyń málimetinshe, 2018-2019 jyldary «Eńbek» baǵdarlamasyna «Serpin» baǵdarlamasynyń 86 túlegi qatysty. Onyń 54-i joǵary oqý ornyn bitirgender, 32-si kolledjderdiń túlegi. Olar jeti aýdanda jáne Petropavl qalasynda jumysqa ornalasty.
M.Qozybaev atyndaǵy SQMÝ bıyl serpinmen bitiretin 203 stýdenttiń 101-i tehnıkalyq jáne aýyl sharýashylyq mamandyqtar boıynsha bilim aldy. 102 adam - bolashaq pedagog. Túlekter 3 jyl boıy oblys aýmaǵynda jumys isteýge mindetti.
