SQO-da bıyl salynǵan 133 mln teńge ákimshilik aıyppuldyń jartysynan astamy óndirildi
PETROPAVL. QazAqparat – Soltústik Qazaqstan oblysynda 1,5 aıdyń ishinde 9 myńǵa jýyq ákimshilik aıyppul salyndy. Sonyń tek 54 paıyzy ǵana óndirilip alynǵan, dep habarlaıdy QazAqparat tilshisi.
Quqyqtyq statıstıka jáne arnaıy esepke alý jónindegi komıteti SQO boıynsha basqarmasynyń málimetinshe, jyl basynan aqpaı aıynyń ortasyna deıin 16 myńnan astam quqyq buzýshylyq esepke qoıylǵan. Olardyń 6,5 myńynda quqyq buzýshy eskertilse, 345 jaǵdaıda ákimshilik tyıym salý, 69 jaǵdaıda arnaıy quqyqtan aıyryldy. Al eki adam el aýmaǵynan shyǵaryldy.
«Quqyq buzýshylyqtardyń basym bóligin ádettegideı polıtsııa anyqtaǵan. Jalpy sany - 15 021 nemese barlyq quqyq buzýshylyqtyń 92 %-y. Ákimshilik aıyppul óndirip alýdyń keń taraǵan túri, 55 %-ynda qoldanylǵan. Eń kóp aıyppul Petropavldy eseptemegende Qyzyljar, Taıynsha jáne Ǵ.Músirepov atyndaǵy aýdandarda salynǵan. Óndirip alý jaǵynan Aqjar aýdany alda keledi. Barlyq aıyppuldyń 74,7 % - 1 715 000 teńge shamasynda óndirildi», - deıdi Quqyqtyq statıstıka jáne arnaıy esepke alý jónindegi komıteti SQO boıynsha basqarmasynyń azamattyq jáne ákimshilik salalardaǵy quqyqtyq aqparatty qalyptastyrý bóliminiń prokýrory Ǵazız Qojabek.
Jalpy 1,5 aıdyń ishinde SQO-da shamamen 133 mln teńge somasynda 9 myńǵa jýyq ákimshilik aıyppul salynǵan. 72 mln teńge aıyppul óndirip alynǵan, bul - salynǵan aıyppuldyń jalpy somasynan 54,2 %.
