SQO-da bıyl polıtseılerge qatysty kúsh qoldanýdyń 13 faktisi tirkeldi
PETROPAVL. QazAqparat – Petropavlda polıtseılerge qatysty kúsh qoldanǵan er adamnyń bir jylǵa bostandyǵy shekteldi. Jalpy bıyl óńirde tártip saqshylaryna qarsylyq kórsetýdiń 13 faktisi tirkelgen, dep habarlaıdy QazAqparat tilshisi.
Soltústik Qazaqstan oblysy polıtsııa departamenti baspasóz qyzmetiniń málimetinshe, Petropavl polıtseıleri erli-zaıyptyny tynyshtandyrý úshin olardyń qolyna kisen salýǵa májbúr boldy. Oqıǵa saǵat 07:00 shamasynda, qaladaǵy dámhanalardyń biriniń janynda bolǵan. Іshimdikke esirgen er adamnyń qylyǵyna polıtsııanyń áreket etýi qajet boldy. Qoǵamdyq tártipti buzýshy medıtsınalyq kýálandyrýdan ótý týraly zańdy talapty oryndaýdan bas tartty, al áıeli polıtsııa qyzmetkerine jarmasyp, bileginen tistep alǵan.
«Ekeýiniń de qolyna kisen salýǵa týra keldi. 38 jastaǵy qala turǵyny sottaldy. Sot onyń qylmystyq jaýapqa alǵash ret tartylyp otyrǵanyn eskerip, 1 jylǵa bas bostandyǵyn shekteý jazasyn taǵaıyndady jáne osy merzimge probatsııalyq baqylaý ornatty», - deıdi SQO PD tergeý basqarmasynyń bastyǵy Qaırat Qasymbekov.
QR Qylmystyq kodeksiniń 380-babyna sáıkes, bılik ókilderine qatysty ómirge nemese densaýlyqqa qaýipti emes kúsh qoldanýǵa 4 jylǵa deıingi merzimge bas bostandyǵynan aıyrý jazasy qoldanylady.
«Bılik ókiline qatysty kúsh qoldaný – aýyr qylmystyq quqyq buzýshylyq, ol úshin qatań jaýapkershilik qarastyrylǵan. Tájirıbe kórsetkendeı, mundaı jaǵdaılardyń basym kópshiligi kóbine polıtsııa quqyq buzýshylardyń maskúnemdik áreketterin toqtatyp, olardy medıtsınalyq kýálandyrýǵa jetkizgen kezde jasalady. Іshimdikti asyra siltegen adamnyń óz áreketterine jaýap bere almaı qalady», - deıdi Qaırat Qasymbekov.
Jyl basynan beri SQO-da polıtseılerge qatysty kúsh qoldanýdyń 13 faktisi tirkeldi.
