SQO-da bıyl qyzmettik ıtter 546 qylmysty ashýǵa kómektesti

PETROPAVL. QazAqparat - SQO-da jyl basynan beri qyzmettik-izdestirý ıtteri 546 qylmysty ashýǵa kómektesti, dep habarlaıdy QazAqparat Polisia.kz-ke silteme jasap.

SQO PD-nyń balansynda 51 qylmystyq-izdestirý ıti bar. Nemis jáne belgııalyq ovcharka, labrador, spanıelder polıtseılerdiń jumysyna kómektesedi. Olardy jumystyń birneshe baǵyty – aıdaýyldaý, iz alý, esirtki, jarylǵysh zattardy izdeý boıynsha jattyqtyrady.

Itterdiń eń jasy – orys ańshylyq spanıeli eki jasar Gretta. Ol oblysta anyqtalǵan barlyq esirtki túrlerin izdeýge úıretilgen. Qyzmette aǵymdaǵy jyldyń sáýir aıynan qoldanýda, jetistikteri de bar. Búginde Gretta 5 ret qoldanǵan, barlyǵy da nátıjeli. Onyń ıis sezgishtigi arqyly alynǵan zattardyń ishinde 50 kg marıhýana, 12 gr gashısh, 286 gr sıntetıkalyq esirtki de bar.

«Jaldamaly páterdi tintý kezinde Gretta kúdikti temeki tuqylymen kúl salǵyshtyń ishinde jaýyp jasyrǵan «zıplok» paketindegi sıntetıkalyq esirtkini tapqan. Bóten ıister – ıttiń ıis alýyna áser etetin faktor, alaıda Gretta oryndy naqty kórsetken», – deıdi ıtpen jumys isteıtin ınspektor-kınolog Aleksandr Borısenko.

SQO PD Kınologoııalyq qyzmet ortalyǵynyń bastyǵy Samat Tólebaevtyń aıtýynsha, jyl basynan esirtkini, negizinen sıntetıkalyq esirtkini izdeýge polıtsııanyń tórt aıaqty kómekshileri 10 ret qoldanylǵan.

Jalpy 9 aıdyń ishinde qyzmettik-izdestirý ıtterdi qoldaný 546 qylmystyń ashylýyna septigin tıgizdi. Olardyń jartysyna jýyǵy – 234-i urlyq.

Aqparat kózi Polisia.kz saıtynda:

Foto: polisia.kz