SQO-da bıyl kúzde 500-ge jýyq jigit áskerge alynbaq
SQO-ǵa kúzgi áskerge shaqyrý naýqanyna daıyndyqty pysyqtaýǵa kelgen QR Qarýly Kúshteri Bas shtabynyń uıymdastyrý-jumyldyrý jumystary departamenti bastyǵynyń orynbasary Rýslan Omarovtyń aıtýynsha, qazir Qorǵanys mınıstrligi tarapynan tsıfrlyq transformatsııalaý is-sharasy júrgizilip jatyr. Maqsat – merzimdi áskerı qyzmetke barýǵa qyzyqtyratyn jobalardy júzege asyrý.
«Merzimdi áskerı qyzmettiń tartymdylyǵyn arttyrý maqsatynda Qorǵanys mınıstrligi birqatar is-sharalardy qolǵa aldy, sonyń ishinde «Áskerı mindetti 2.0» jobasy bar. Áskerı boryshyn ótep kelgen azamat osy tsıfrlyq platforma aıasynda UBT tapsyrmaı-aq elimizdegi ózi tańdaǵan joǵary oqý oryndarynda tegin bilim ala alady. Úzdik dep tanylǵan, upaı sany joǵary 3 myń sarbazdy osylaısha oqýǵa túsiremiz. Mınıstrlik elimizdiń jetekshi ýnıversıtetterimen memorandýmǵa otyrdy. Joǵary oqý oryndarynyń sany 70-ten asady. Tizimge kirmeı qalǵandar áskerı boryshyn ótep kelgennen keıin eki jyl ishinde bul múmkindikti paıdalana alady. Alaıda olar UBT tapsyrmaǵanymen, oqýdy aqyly oqıdy», - deıdi Rýslan Omarov.
Budan basqa merzimdi áskerı qyzmetke alynǵandarǵa kredıttik kanıkýl beriledi.
«Buryn shaqyrylýshy «meniń nesıem bar» dep áskerge barýdan bas tartatyn. Qorǵanys mınıstrligi Qarjy naryǵyn retteý agenttigimen memorandýmǵa otyrdy. ıAǵnı áskerge alynýshynyń nesıesi bolsa, ol ony boryshyn ótep kelgennen keıin óteı alady.
Tsıfrlyq transformatsııalaý nátıjesinde qazir jastar avtomatty túrde áskerı esepke alynady. Buryn esepke turýǵa bir apta beriletin, qazir ony alyp tastadyq.
Eń mańyzdy máselelerdiń biri – buryn 17 jastaǵy jasóspirimder jyl saıyn áskerı tirkelýge mindetti bolatyn. Onyń eki sebebi bar, áskerı esep jáne jasóspirimniń densaýlyǵyn tekserý. Tsıfrlyq transformatsııalaý nátıjesinde 2024 jyldyń 1 qańtarynan bastap jasóspirimderdi áskerı esepke alý tájirıbesi joıylady», - deıdi Rýslan Omarov.
SQO-da kóktemde 400-den astam jigit ásker qataryna alynyp, búginde elimizdiń áskerı bólimderinde azamattyq boryshyn ótep jatyr. Kúzde olardyń qataryna taǵy 500-ge jýyq azamat qosylmaq.
