SQO-da bıyl «qos azamattyqpen» júrgen 94 adamǵa jaza qoldanyldy
PETROPAVL. QazAqparat – Soltústik Qazaqstan oblysynda bıyl sheteldiń azamaty bola tura Qazaqstan pasportymen júrgen 94 adam anyqtalyp, olarǵa ákimshilik jaza qoldanyldy, dep habarlaıdy QazAqparat tilshisi.
SQO aýmaǵynda «Qos azamattyqpen» júrgenderdiń qatary artqan. Kóshi-qon qyzmeti basqarmasy bastyǵynyń mindetin atqarýshy Ermek Núsirbaevtyń aıtýynsha, byltyrǵy jyldyń 8 aıynda eki eldiń pasportymen júrgen 85 adam anyqtalsa, bıyl uqsas kezeńde zańdy buzǵan 94 sheteldik anyqtalyp otyr. ıAǵnı 11 % artqan. Olardyń ekeýi el aýmaǵynan shyǵarylsa, 92 adam ákimshilik jaýapkershilikke tartyldy.
«Aqpan aıynda elimizdiń burynǵy azamatshasy memlekettik shekaradan ótkende QR qujattaryn jáne pasportyn kórsetken. Shekarashylar bul faktini tirkep, materıaldy bizge kóshi-qon qyzmetine jiberdi. Keıin is sotqa jetip, nátıjesinde áıelge 200 AEK mólsherinde – 612 myń 600 teńge aıyppul salyndy», - deıdi Ermek Núsirbaev.
Mamannyń aıtýynsha, «qos azamattyq» úshin elimizde ákimshilik jaýapkershilik qarastyrylǵan. Qazaqstan qujattaryn zańsyz qoldanǵandar elden deportatsııalanady nemese úlken mólsherde – 100 – 300 AEK mólsherinde aıyppul tóleýi múmkin.
Buǵan deıin SQO-da 291 adamnyń alımentten jaltaryp júrgenin aıtqan edik. Olardyń balalaryna jalpy bereshegi 320 mln teńgeden asqan. Bıyl boryshkerlerdiń 85-i ákimshilik jazaǵa tartylsa, 6 adam qamaýǵa alyndy.
