SQO-da bıyl kólik basqarý quqyǵynan aıyrylǵan 5 mas júrgizýshi ustaldy
PETROPAVL. QazAqparat – Soltústik Qazaqstan oblysynda , dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 9 naýryz kúni túnde Ǵabıt Músirepov atyndaǵy aýdannyń aýyldarynyń birinde polıtseıler «Daewoo-Nexia» avtokóligin toqtatqan. Reıdke qatysqan aýdandyq polıtsııa bóliminiń ákimshilik polıtsııa bólimshesiniń bastyǵy kólikti birden tanydy. Onyń júrgizýshisi – 33 jastaǵy er adam eki jyl buryn kólikti mas kúıde júrgizgeni úshin 3 jylǵa basqarý quqyǵynan aıyrylǵan. Aýyl turǵyny bul joly da mas bolyp shyqty. Ony medıtsınalyq kýálandyrý rastady.
Atalǵan fakti sotqa deıingi tergep-tekserýdiń biryńǵaı tizilimine «Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý» baby boıynsha engizildi. Avtokólik arnaıy turaqqa qoıyldy.
«Kólikti mas kúıde basqarý faktilerin anyqtaý – polıtsııanyń mańyzdy mindetteriniń biri. Ásirese, bul QR Jol júrisi qaǵıdalaryn buzǵany úshin júrgizýshi kýáliginen aıyrylyp, rólge otyratyndarǵa qatysty. Mas júrgizýshi óz basyn ǵana qaterge tigip qoımaı, jol qozǵalysynyń basqa qatysýshylaryna da úlken qaýip tóndiredi. Zańnama talaptaryn, jol qozǵalysy qatysýshylarynyń ómiri men densaýlyǵyn sanaly túrde elemeý jazasyz qalmaýy tıis. Jyl basynan oblys joldarynda buryn basqarý quqyǵynan aıyrylǵan 5 mas júrgizýshi ustaldy. Qazirgi ýaqytta eki is boıynsha materıaldar sotqa joldandy, úsheýine qatysty tergeý áreketteri júrgizilip jatyr», - deıdi SQO PD bastyǵynyń orynbasary Eńbek Sembın.
