SQO-da bıyl qar az, keı aýdandarda onyń qalyńdyǵy 5 sm-den aspaıdy
SQO-daǵy sharýashylyqtardyń biriniń basshysy Jomart Omarovtyń aıtýynsha, seriktestiktiń tehnıkasy birer kún buryn qar toqtatýǵa egis alqabyna shyqty. Bul agrotásildiń qajetti ylǵal qoryn jınaýda bereri mol. Nátıjesinde eń keminde ónimdilik 3-4 ts artady eken.
«Kúz qurǵaq boldy. Qajetti ylǵalsyz qysqa kiremiz be dep otyrǵanda qazan aıynyń sońynda bir aptadaı jaqsy jaýyn jaýdy. Odan keıin kún sýytyp jerdi qatyryp tastady. Degenmen bıyl jyldaǵyǵa qaraǵanda qar az. Qańtar aıynyń basynda jaqsy qar jaýdy, qalyńdǵy 20-25 sm jeterlik. Keıin kún 0 gradýsqa deıin jylynyp, betin muz qylyp qatyryp tastady. ıAǵnı endi boran ony ushyryp áketpeıdi. Biraq, qardyń qalyńdyǵy barlyq aýdandarda birdeı emes. Onyń azdyǵynan keı aýdandar osy kezde bastalatyn qar toqtatý jumystaryna shyǵa almaı otyr», - deıdi Jomart Omarov.
Tájirıbeli mamannyń aıtýynsha, kúzde jaqsy ónim alý úshin daıyndyqty osy kúzde-aq bastaǵan jón. Egistik jerlerde ylǵal saqtalýy úshin aldyn ala jyrtý qajet.
«Jalpy, daıyndyq bolashaqqa degen eń jaman boljammen, ıaǵnı jazda qýańshylyq, túrli ósimdik aýrýlary bolatyndaı júrgizilýi tıis. Bul, ásirese, aýa raıyna táýeldi óńir úshin mańyzdy. Taǵy bir baıqaǵanym, aýa raıy 5-7 jyldyq tsıklmen júredi. Máselen, óńirde 3 jyldan beri jazda jaýyn-shashyn az. Sondyqtan 7 myń ga egistik alqabynyń barlyǵynda múmkindigine qaraı qar toqtatý jumystary júrgiziledi», - deıdi kásipker.
Jalpy SQO-da 4,4 mln ga alqapqa astyq egilip keledi. Bıyl da onyń 3 mln ga-na dándi daqyldar, 1 mln ga-na maıly daqyldar sebilmek.
«Ótken jyldardyń tájirıbesin eskere kele sharýashylyqtar qajetti ylǵal qoryn jınaý úshin qar toqtatý jumystaryn bastady. «Qazgıdromet» RMK málimeti boıynsha, kúzde alqaptarda qajetti ylǵaldyń 50% ǵana boldy, jyldaǵy kórsetkish 120 mm bolsa, sonyń 67 mm ǵana jaýdy. Sondyqtan qysta 3,1 mln ga qar toqtatý jumystaryn júrgizý josparlanǵan», - deıdi SQO aýyl sharýashylyǵy jáne jer qatynastary basqarmasynyń bólim basshysy Baqtııar Toqjigitov.
Mamannyń aıtýynsha, 16 qańtardaǵy túsirilimge sáıkes, óńirdegi qar jabyndysy birkelki emes. Máselen Jambyl aýdanynda nebary 5 sm ǵana. Qalǵan aýdandarda qardyń bıiktigi kópjylǵy kórsetkish shamasynda. Qar eń kóp jaýǵan aýdan – Shal aqyn aýdany, munda qar bıiktigi normadan 2 sm kem, 30 sm.
