SQO-da bıyl 800-ge jýyq páter paıdalanýǵa berilgen
ASTANA. QazAqparat - Soltústik Qazaqstan oblysynyń ákimi Erik Sultanovtyń tóraǵalyǵymen ótken ákimdik otyrysynyń kún tártibine birqatar máseleler shyǵaryldy.
Ústimizdegi jyldyń 11 aıy boıynsha áleýmettik- ekonomıkalyq damý qorytyndylary týraly statıstıka departamentiniń basshysy Maral Nurjaýpova baıandady.
«Jedel statıstıkalyq aqparattar boıynsha 2016 jyldyń qańtar-qarasha aılarynda azyq-túlik óndirisi 6,3 %-ǵa ósti, onyń ishinde un shyǵarý 38,3%-ǵa, saqtaý merzimi uzaq kondıterlik ónimder 15,5%-ǵa, sút ónimderi 4,7%-ǵa, malǵa arnalǵan jem-azyq 10,4%-ǵa artty. Hımııa ónerkásibi ónimderiniń óndirisi 53,3%-ǵa, jeńil ónerkásip ónimderiniń óndirisi - 17,2%-ǵa artqan», - dedi Maral Nurjaýpova.
Oblys boıynsha óndiris kóleminiń ósim qarqyny Aıyrtaý, Aqjar, Shal aqyn jáne Qyzyljar aýdandarynda baıqalady.
«Qurylys jumystary jalpy 472 mlrd teńgege nemese 91,1 paıyzǵa oryndaldy. Aǵymdaǵy jyly jalpy kólemi 96,6 sharshy metr bolatyn 763 páter paıdalanýǵa berildi», - dedi M. Nurjaýpova.
Oblys ákimi aýdan basshylaryna ósim kórsetkishteri múmkin bolatyn baǵyttar boıynsha jumysty jandandyrýdy tapsyrdy.
Sondaı-aq, apparattyq keńeste oblys bıýdjetiniń oryndalý máselesi qarastyryldy. Memlekettik kirister departamentiniń basshysy Danııar Janalınovtyń aıtýynsha, 15 jeltoqsanǵa deıin oblystyń jergilikti bıýdjetine 32 935,8 mln. teńge jeke kiris, oblystyq bıýdjetke - 15 001, 2 mln. teńge.
Qarjy basqarmasy basshysynyń orynbasary Natalıa Dyshkant 2017 jylǵa arnalǵan memlekettik satyp alýlar jospary týraly baıandady.
