SQO-da bıyl 500-den astam jas «Dıplommen aýylǵa» baǵdarlamasyna qatysty
SQO ákimdiginde jastar saıasatyn júzege asyrý barysy jaıynda jıyn ótti. Іshki saıasat basqarmasy basshysynyń orynbasary Asqar Baımuqanovtyń aıtýynsha, óńirde 14 pen 29 jas aralyǵyndaǵy 98 910 adam bar. Bul – barlyq turǵyndardyń 18,2 %. Onyń 52 myńǵa jýyǵy – jigitter, sondaı-aq, jastardyń 62 myńy aýyldyq jerlerde turady.
«Bıyl «Dıplommen aýylǵa» memlekettik baǵdarlamasy aıasynda 551 jas maman eldi mekenderge jumys isteýge attandy. Olar negizinen muǵalimder, dárigerler jáne memlekettik qyzmetshiler. Jas mamandarǵa 100 AEK mólsherinde kótermeaqy beriledi. Sondaı-aq 1,5 myń AEK mólsherinde jeńildetilgen nesıe beriledi», - deıdi Asqar Baımuqanov.
«Jasyl el» baǵdarlamasy da jastar arasynda suranysqa ıe. Bıyl jaz ýaqytynda 686 jas jumysqa ornalasyp, orman sharýashylyqtarynda, eldi mekenderde jumys istedi.
«Jasyl el» baǵdarlamasy aıasynda jumys istegender aıyna 27-60 myń teńge shamasynda eńbekaqy aldy. Jastar eńbekke aralasyp, alǵashqy tájirıbelerin aldy. «Ulttyq rýhanı jańǵyrý» ulttyq jobasy arqyly biz osy baǵdarlama arqyly jaz mezgilinde jumys isteıtinderdiń sanyn 1421 adamǵa deıin ulǵaıtýdy josparladyq», - deıdi Asqar Baımuqanov.
«Alǵashqy jumys orny» jobasy boıynsha 69 adam jumysqa ornalastyrylsa, jastar tájirıbesi arqyly 433 jas jumys tapqan.
«Jastarǵa bıznespen aınalysýǵa múmkindik jasalyp, bıyl jalpy somasy 315 mln teńgeniń 63 nesıesi berildi. Sondaı-aq «Bastaý Bıznes» jobasy arqyly 195 mln teńge bolatyn 340 grant bólindi. Atqarylyp jatqan jumystar jastardyń óńirden ketýin azaıtty. Máselen 2018 jyly 2 myńǵa jýyq adam qonys aýdarsa, bıyl 800-ge jýyq jas kóship ketken», - deıdi Іshki saıasat basqarmasy basshysynyń orynbasary Asqar Baımuqanov.
