SQO-da bıyl 1 myńnan astam adam janýarlardan zardap shekken
PETROPAVL. QazAqparat – Soltústik Qazaqstan oblysynda bıyl 1073 adam janýarlardyń tistep-qabýynan medıtsınalyq kómekke júgindi, dep habarlaıdy QazAqparat tilshisi.
SQO Sanıtarııalyq-epıdemıologııalyq baqylaý departamenti baspasóz qyzmetiniń málimetinshe, óńir – qutyrmanyń tabıǵı oshaǵy aımaǵynda ornalasqan. Ásirese qys pen kóktemde qaýipti vırýs qozyp, jabaıy janýarlarmen eldi mekenderge enedi, ıt-mysyqqa, malǵa juǵyp, adamdarǵa qaýip tóndiredi.
Bıyl oblysta janýarlardyń tistep-qabýynan 1073 adam zardap shegip, medıtsınalyq kómekke júgingen. Mamandardyń aıtýynsha, kórsetkish 100 myń halyqqa 193,5 qurady. Qańǵybas ıtter men mysyqtardyń sanyn azaıtý maqsatynda jergilikti bıýdjetten 33 mln 826 myń teńge bólindi. Nátıjesinde 9272 ıt pen 493 qańǵybas mysyq aýlanyp-atyldy.
«Aýrý janýarlardy birden bilýge bolady. Olardyń silekeıi aǵyp, adamdarǵa shabady. Tamaq ishpeı qoıady. Sýdan qorqady. Aýrý túlkiler aýyl ishine kirip ketýi múmkin. Biraq olar adamdarǵa jaqyn kelgenimen – shappaıdy. Al qutyrmanyń tynysh formasy bolsa janýarda birden sal aýrýy damıdy», - deıdi SQO Sanıtarııalyq-epıdemıologııalyq baqylaý departamentiniń bólim basshysy ıÝlııa Gaısına.
Qutyrmanyń aldyn alýda qańǵybas ıtter men mysyqtardyń sanyn azaıtýdyń mańyzy zor. Al úı janýarlaryn ıtjataqta ustap, serýenge qarǵy baýmen jáne tumyldyryqpen shyǵarý qajet. Sondaı-aq ıtterge qutyrmaǵa qarsy vaktsına ektirýge bolady.
«Qutyrma emdelmeıtin aýrý, tynys alý júıesi saldanyp, júrek qaǵysy báseńdeıdi. Adam qorqynyshty azaptan óledi. Aýrýmen kúrestiń bir joly – vaktsına saldyrý. Vırýs jaraǵa silekeı arqyly kiredi, nerv júıeleriniń joldarymen júrip jáne ortalyq nerv júıesin zaqymdaıdy. It qapqan jaǵdaıda jaraqatty 15-20 mınýt sabyndap jýý kerek. Keıin 70% spırtpen nemese 5% ıod tunbasymen óńdep, erterek kómek alý úshin medıtsınalyq uıymdarǵa júginý qajet. Munda qutyrmaǵa qarsy egýler tegin jasalady», - deıdi ıÝlııa Gaısına.
Qutyrmaǵa qarsy ekpeni aldyn alý maqsatynda da jasatýǵa bolady. Immýndaý merziminde aqýyzdar men dárýmenderge baı tamaq jep, sýyq tıgizýge bolmaıdy. Sondaı-aq alkogoldik sýsyndardy ishýden de bas tartý qajet.
