SQO-da birneshe aýdan ákimi men basqarma basshylaryna sógis jarııalandy
PETROPAVL. QazAqparat – Soltústik Qazaqstan oblysynda ózderine júktelgen mindetti júrdim-bardym atqarǵan birneshe sheneýnik tártiptik jazaǵa tartyldy, dep habarlaıdy QazAqparat tilshisi.
Buǵan deıin jartyjyldyqtyń qortyndysy boıynsha úsh aýdannyń ákimi sógis alǵan bolatyn. Endi olardyń qataryna jumysynda salǵyrttyq tanytqan taǵy birneshe sheneýnik qosyldy.
SQO ákimi baspasóz qyzmetiniń málimetinshe, tártiptik jazany qoldanýǵa óńirdiń 9 aıdaǵy áleýmettik-ekonomıkalyq damý kórsetkishteriniń qorytyndysy sebep bolǵan.
Oblys ákimi Qumar Aqsaqalovtyń ókimimen qyzmettik mindetterin tıisti deńgeıde atqarmaǵan Jambyl aýdanynyń ákimine – qatań sógis, Aıyrtaý aýdanynyń ákimine - sógis jáne Qurylys, sáýlet jáne qala qurylysy basqarmasynyń jetekshisine sógis jarııalandy.
Eske salaıyq, óńir basshysy 9 aıdyń qorytyndysyna sáıkes apparatqa tıisti usynystardy jasaýdy tapsyrǵan bolatyn.
Aıta keteıik, Jambyl aýdanynyń ákimi alty aıdyń kórsetkishteri boıynsha da sógis alǵan bolatyn.
