SQO-da birin-biri qutqarmaq bolǵan úsh bozbala sýǵa ketti
PETROPAVL. QazAqparat – Soltústik Qazaqstan oblysynda úsh bozbala Esil ózenine batyp ketti, dep habarlaıdy QazAqparat tilshisi.
SQO Tótenshe jaǵdaılar departamenti baspasóz qyzmetiniń málimetinshe, oqys oqıǵa keshe saǵat 15.30 shamasynda boldy. Shal aqyn aýdany Jańajol aýylynyń mańynda alty bozbala Esil ózenin keship ótken. Ol jerde ózenniń eni 50-60 metr, tereńdigi 1,5 metr bolǵan. Al keıin qaıtqan kezde sońǵy kele jatqan 1996 jyly týǵan jigittiń aıaǵynyń sińiri tartylyp, aǵys ony tómen alyp ketken. Jigit júzý bilmegen. Dostarynyń batyp bara jatqanyn kórgen 2001 jáne 2002 jyly týǵan eki bozbala oǵan kómekke umtylǵan. Alaıda olar da durys júze almaıdy eken. Úsheýi de sýǵa aǵyp ketken.
«Aýdandyq qutqarýshylar, polıtsııa qyzmetkerleri, oblystyq jedel-qutqarý jasaǵynyń qyzmetkerleri oqıǵa ornyna shuǵyl jetti. Qaza tapqandardy izdestirýge aýyl turǵyndary da kómektesti. Barlyǵy 32 adam, 3 tehnıka jáne 3 qaıyq jumyldyryldy. Qaza bolǵandardyń deneleri tek ekinshi kúni 17 shildede saǵat tańǵy 8.29 mınýtta tabyldy», - dedi SQO TJD bastyǵynyń orynbasary Igor Jýkov.
Sýǵa túsý maýsymy bastalǵaly óńirde 11 adam mert boldy. Onyń altaýy sýǵa shomylý barysynda, bireýi qutqarý kezinde, bireýi balyq aýlap júrip jáne úsh adam sý aıdynyn kesip ótý barysynda qaza tapty.
