SQO-da bir jyldyń ishinde turǵyndar sany 6 myń adamǵa azaıǵan

PETROPAVL. QazAqparat – Soltústik Qazaqstan oblysynda turǵyndar sany bir jyldyń ishinde 6 myń adamǵa azaıyp otyr, dep habarlaıdy QazAqparat tilshisi.

SQO ekonomıka basqarmasynyń málimetinshe, 1 qyrkúıektegi jaǵdaı boıynsha oblysta 540 myń adam bar. Byltyr osy kezeńde turǵyndar sany 546 myń bolǵan.

Halyq sanynyń kemýine kóshi-qonnyń azaıýy negizgi sebep bolǵan. Bıyl qańtar-tamyz aılary aralyǵynda óńirden 3 008 adam ketken. Byltyrǵy kórsetkish – 2 413 adam.

2021 jyldyń qańtar-tamyz aılarynda oblysqa kelgenderdiń de ketkendeń de sany azaıǵan. Máselen ótken jyldyń osy kezeńimen salystyrǵanda, kelgenderdiń sany 9,6 %-ǵa, al ketkenderdiń sany 3,1 %-ǵa qysqardy.