SQO-da bir jylda toqash-kondıter ónimderi shamamen eki ese qymbattaǵan

PETROPAVL. QazAqparat – Soltústik Qazaqstan oblysynda bir jylda ınflıatsııa 18,9% qurady, dep habarlaıdy QazAqparat tilshisi.

Ulttyq statıstıka bıýrosy SQO boıynsha departamentiniń málimetinshe, baǵalar bıylǵy naýryzda ótken jylǵy naýryzben salystyrǵanda, azyq-túlik taýarlaryna – 20,5%, azyq-túlik emes taýarlarǵa – 19,1, aqyly qyzmetterge 16,2% ósti.

Bir jyldyń ishinde, ásirese, toqash jáne unnan daıyndalǵan kondıter ónimderine baǵa sharyqtap ketken. Osy aralyqta 43,4% ósken. Budan basqa shaı – 36,3, jarmalar – 32,4, kondıter ónimderi – 30,7, makaron ónimderi – 29,9, sút ónimderi – 26,4 % qymbattaǵan.

Alkogolsiz sýsyndarǵa – 24,7, unǵa – 20%, etke – 16,9, shujyqtarǵa – 16,4% baǵanyń qymbattaýy baıqaldy. Jemister 16,2% qymbattady.

Sonymen qatar, baǵalar keı kókónisterge 2,9% tómendedi, sonyń ishinde qyryqqabat – 57,8%, sábiz – 24,2, kartop – 16,4, qyzylshaǵa – 8,6% arzandap otyr.

Baǵalar otyn jáne maılaǵysh materıaldarǵa – 42,5%, jýý jáne tazalaý quraldaryna – 40,3, turǵyn úı-jaıǵa qyzmet kórsetý jáne jóndeýge arnalǵan materıaldarǵa – 24,5, kıim jáne aıaq kıimge – 18,5, farmatsevtıkalyq ónimderge – 15,7% ósti.

Bir jylda qoǵamdyq tamaqtaný qyzmetteriniń baǵasy da artyp, 34,9% ósken, bilim berý – 25,6, shashtaraz jáne jeke qyzmet kórsetý mekemeleri qyzmetteriniń baǵasy – 20,2% ulǵaıdy.