SQO-da bir táýlikte koronavırýstan 4 adam qaıtys boldy
PETROPAVL. QazAqparat – Soltústik Qazaqstan oblysy koronavırýs juqtyrýdan el boıynsha áli de alda keledi, tek ótken táýlikte jańadan 143 syrqat anyqtaldy, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, ótken táýlikte óńirde 1 304 adam PTR test tapsyryp, onyń árbir toǵyzynshysynda qaýipti ınfektsııa anyqtaldy. Osylaısha oblys koronavırýsty juqtyrýdan el boıynsha alda keledi. SQO-da 17 qarashada 143 adamda KVI anyqtalsa, Almatyda – 128, Nur-Sultanda – 125 adam aýyrǵan.
Qazir oblystyń ınfektsııalyq statsıonarlarynda 625 adam, karantındik bólimshede - 7, jansaqtaý bólimshesinde 51 naýqas jatyr. Aýyrǵandarǵa arnalǵan oryndar jetkilikti, máselen juqpaly aýrýlar statsıonarlary 36 %-ǵa, reanımatsııalyq bólimsheler 42 %-ǵa ǵana júktelgen.
Koronavırýspen aýyryp, qaıtys bolǵandar sany da artyp keledi. Ótken táýlikte 4 syrqat, barlyǵy 343 adam kóz jumdy.
Jalpy pandemııa bastalǵaly SQO-da 34 209 adam KVI juqtyrǵan. Olardyń 3,2 %-y nemese 980 adam – medıtsınalyq qyzmetkerler. 27 579 adam táýir boldy.
