SQO-da bir kúnde 250 pırotehnıkalyq ónim tárkilenip, 6 hattama toltyryldy

PETROPAVL. QazAqparat – Soltústik Qazaqstan oblysynda «Pırotehnıka» jedel-profılaktıkalyq is-sharasy ótip jatyr. Aktsııanyń bir kúninde qaýipti ónimdi zańsyz satqan 6 adam anyqtalyp, olardan 250 pırotehnıkalyq ónim tárkilendi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, «Pırotehnıka» jedel-profılaktıkalyq is-sharasy óńirde 25 jeltoqsan kúni bastalyp, 3 qańtarda aıaqtalmaq. Maqsat – otshashýlardy zańsyz satý oryndaryn anyqtap, ruqsat qaǵazy joq sapasyz ónimdi aınalymnan alý. Osylaısha oqys oqıǵalardyń aldyn alý.

«Petardalar, shartyldaqtar jáne otshashýlar – pırotehnıkalyq zattarǵa búldirshinder men eresekter arasynda qyzyǵýshylyq joǵary. Alaıda kópshilik onyń qaýipti ekenine mán bere qoımaıdy. Jazataıym oqıǵalar men órt faktileriniń aldyn alý maqsatynda polıtseıler men qutqarýshylar lıtsenzııalanbaǵan pırotehnıkalyq ónimderdi satý oryndaryna reıdter ótkizip jatyr», - deıdi polıtseıler.

Bir kún ishinde zańsyz aınalymnan 250 pırotehnıkalyq ónim tárkilendi, 6 hattama toltyryldy.

SQO PD Ákimshilik polıtsııa basqarmasynyń aqparatynsha, «Pırotehnıka» is-sharasyna 200-den astam polıtsııa qyzmetkeri jumyldyrylyp, 60-tan astam reıdtik top qurylǵan. Búgingi tańda polıtseıler 12 quqyq buzýshylyqty anyqtap, 620 danadan astam pırotehnıkalyq buıymdy tárkiledi. Tártip saqshylary men qutqarýshylar turǵyndardy sertıfıkaty bar dúkender men pavılondardan ǵana pırotehnıka ónimin satyp alýǵa shaqyrady.

Polıtseıler qala men oblys turǵyndarynan jasóspirimderdiń pırotehnıkalyq buıymdardy óz betinshe paıdalaný faktilerin boldyrmaý maqsatynda kámeletke tolmaǵan balalardyń is-áreketterin baqylaý qajettiligine erekshe nazar aýdarýdy suraıdy.

«Bul zattardy barlyq qaýipsizdik sharalaryn saqtaı otyryp, tek eresekterge ǵana qoldanýǵa bolady»,-deıdi tártip saqshylary.

Foto: Soltústik Qazaqstan oblysynyń Tótenshe jaǵdaılar departamenti