SQO-da bir aıǵa jýyq izdeýde bolǵan 61 jastaǵy er adamnyń denesi tabyldy
PETROPAVL. QazAqparat – Petropavlda úıinen habarsyz ketip, bir aıǵa jýyq izdeýde bolǵan ıÝrıı Volosnıkovtyń denesi tabyldy, dep habarlaıdy QazAqparat tilshisi.
Petropavl turǵyny, 1961 jyly týǵan ıÝrıı Volosnıkov 24 qyrkúıek kúni úıinen shyǵyp ketken. Ózdiginen izdep, taba almaǵan týystary polıtsııanyń kómegine júgindi.
Kópshilik ıÝrıı Volosnıkovtyń aman-esen tabylatynynan úmit úzbegen edi.
Tártip saqshylary, volonterler, eriktiler birneshe ret izdeýge shyǵyp, Esil ózeniniń mańyn, mańaıdaǵy ormandardy súzip ótti. Alaıda bul jumys nátıje bermedi.
Sýyq habardy volonterler áleýmettik jelidegi resmı paraqshasynda jarııalady.
Olardyń aıtýynsha, er adam ózine qol jumsaǵan.
SQO prokýratýrasynyń málimetinshe, tıisti saraptama taǵaıyndaldy. Onyń nátıjesi keıin jarııa etilmek.
Buǵan deıin balyq aýlaýǵa ketip, úıine qaıtyp oralmaǵan Sergeı Lebedevtiń de denesi tabylǵanyn aıtqan edik.
42 jastaǵy er adam Esil ózenine sýǵa ketti, onyń denesin ýchaskelik polıtsııa ınspektory taýyp aldy.
Al 15 qyrkúıek kúni joǵalǵan Vasılıı Morohovetsten áli kúnge deıin habar joq.
Petropavldyń 64 jastaǵy turǵyny úıinen ketip, qaıtyp oralmaǵan.
Er adamnyń boıy 185 sm, shashy aǵarǵan, kózi jasyl, aıaǵynda tyrtyǵy bar.
Sol kúni ústinde jasyl kúpáıke jáne kók shalbar bolǵan.
Joǵalǵan adam jaıynda kórgen-bilgender 8 777 307 99 65, 8 926 626 64 33 nemese 102 telefon nómirine habarlasýǵa bolady.
