SQO-da bir aıda 145 adam qarý ustaýǵa ruqsat alǵan
PETROPAVL. QazAqparat - Soltústik Qazaqstan oblysynda jyl basynan beri qarý alýǵa 145 ruqsat qaǵazy berilgen, dep habarlaıdy QazAqparat tilshisi.
Polıtsııa departamenti baspasóz qyzmetiniń aqparatyna súıensek, qyzmetterdiń barlyǵy elektrondy túrde kórsetilgen. Polıtseıler qarý satýǵa qaǵaz júzinde tek úsh qujat bergen.
Polıtsııa «Elektrondy úkimet» portaly arqyly elektrondy túrde qarý alý, saqtaý, alyp júrýge qańtar aıynyń ortasynan ruqsat bere bastady.
«Bul turǵyndarǵa yńǵaıly bolýy jáne sybaılas jemqorlyq táýekelderin azaıtý úshin istelip otyr. Qarý alǵysy keletin adamǵa buǵan qajetti memlekettik qyzmetterdiń barlyǵyn óz úıinde otyryp «Elektrondy úkimet» portaly arqyly nemese HQO-da kórsetiledi. Ol úshin ETsQ alyp, qajetti qujattar paketin egjeı-tegjeıli oqyp shyǵý qajet», - deıdi ákimshilik polıtsııa basqarmasynyń azamattyq jáne qyzmettik qarý aınalymyn baqylaý tobynyń bastyǵy ıÝrıı Semenko.
Tártip saqshylary osy máselede polıtsııa bólimshesinen nemese 8 (7172) 71-41-36, 72-21-88, 72-26-31, 72-22-16 nómirleri arqyly anyqtama qyzmetinen jáne 1414 nómiri arqyly Biryńǵaı baılanys ortalyǵynan keńes alýǵa bolatynyn eskertedi.
