SQO-da bir aýyldyń halqyn qaýipsiz jerge kóshirip jatyrmyz - TJK
NUR-SULTAN. QazAqparat - Soltústik Qazaqstan oblysynda eki aýyldy sý basý qaýpi bar, dep xabarlaıdy QazAqparat tilshisi.
QR ІІM Tótenshe jaǵdaılar komıteti tóraǵasynyń orynbasary Marat Kúldikovtyń aıtýynsha, Sileti qoımasynan sýdy kóptep jiberilýine baılanysty Soltústik Qazaqstanda Qaratal men Quldykól aýyldaryn sý basýy múmkin. Qazirgi kezde Sileti sý qoımasy 95 protsentke tolyp tur. Sol sebepti sýdy jiberip turýǵa týra kelip otyr.
«Búgin kúndiz saǵat 12:00-den bastap biz Qarataldyń turǵyndaryn aldyn ala qaýipsiz jerge kóshire bastadyq. Osy ýaqytqa deıin tikushaqpen 33 adam evakýatsııalandy. Sosyn týǵan-týystardyń úıine jáne mekteptegi arnaıy evakýatsııalyq beketke kóship jatqandar da bar. Budan bólek, 2 754 bas maldy qaýipsiz jerge aıdap tastady», - dedi M.Kúldikov Astanadaǵy shuǵyl baspasóz máslıxatynda.
Onyń aıtýynsha, Qaratal aýylynda 233 adam turady. Biraq barlyǵyna sý basý qaýpi tónip turǵan joq. Sol sebepti tek sý basý qaýpi bar turǵyndar ǵana qaýipsiz jerge kóshiriledi. Al Quldykól aýlynda shetki úılerdi sý basýy ábden múmkin.
Foto: azattyq.org
