SQO-da «Bir aýyl - bir ónim» jobasyna 15 kásipker qatysty
SQO kásipkerler palatasy baspasóz qyzmetiniń málimetinshe, «Bir aýyl - bir ónim» jobasy bıyl «Men kásipker» kásipkerlik áleýetin damytý» bıznesti qoldaý jónindegi ulttyq joba aıasynda bastaldy. Onyń negizgi maqsaty -jergilikti ónimniń sapasyn arttyrý, jergilikti brendterdi qurý, marketıng jáne naryqtaǵy ónimniń qundylyǵyn arttyrý.
«Bul jobaǵa qatysýǵa SQO-dan 15 kásipker ótinim berdi. Olar óz ónimderin 9 shildede «Qazaqstannyń úzdik taýary» baıqaýynyń óńirlik kezeńimen qatar ótkizgen «Bir aýyl - bir ónim» kórmesinde usyndy. Budan keıin kórme qorytyndysy boıynsha baıqaýdyń ekinshi kezeńine 10 qatysýshy ótti. Ótken aptada olardyń jobalaryn óńirlik brend-komıtet músheleri qarap, úsh jeńimpazdy anyqtady», - deıdi SQO Kásipkerler palatasynyń dırektory Tımýr Bekeev.
Endi jobanyń úsh jeńimpazymen marketologtar jumys isteıdi. Olardyń mindeti - kásipkerlerdiń ónimderin odan ári jarnamalaý, brendteý, sertıfıkattaý. Uıymdastyrýshylar atap ótkendeı, bul onyń naryqta tanylýyn arttyryp qana qoımaı, ony eksportqa shyǵarýǵa múmkindik beredi.
Brend-komıtet óńirlik palatanyń janynan arnaıy quryldy, onyń quramyna kásipkerlikti damytý ınstıtýttarynyń, memlekettik organdardyń, buqaralyq aqparat quraldarynyń ókilderi, bıznes sýbektileri men sarapshylar kirdi.
Qazylar alqasynyń nazaryna kásipker áıelder ózderi shyǵaratyn kıim-keshek, bal, et, sút ónimderi, tabıǵı kútim kosmetıkasy, zergerlik buıymdar, aksessýarlar jáne t. b. usyndy.
Nátıjesinde úsh jeńimpaz anyqtaldy, olar: bal men bal ónimderin - djem, kámpıt, kútim kremderi, balzamdar men skrabtar daıyndaıtyn ıAroslava Pılıpýshko, tabıǵı qoldan jasalǵan sabyndar, kosmetıka shyǵaratyn Larısa Pervýshına jáne eshki sútinen irimshik pen ıogýrt óndiretin Olga Danshına.
Jyl sońynda óńirlik kezeńniń jeńimpazdary «Bir aýyl - bir ónim» jobasynyń respýblıkalyq kórmesine qatysady.
