SQO-da bir aptanyń ishinde 500-den astam adam JRVI juqtyrǵan
PETROPAVL. QazAqparat - Sanıtarlyq dárigerler Soltústik Qazaqstan oblysyndaǵy tumaý jáne JRVI juqtyrý boıynsha epıdemıologııalyq jaǵdaı qandaı ekenin aıtty, dep habarlaıdy QazAqparat tilshisi.
Qoǵamdyq densaýlyq saqtaý departamenti bólim meńgerishisi Farıda Muhamedjanova sońǵy aptada oblysta 583 JRVI juqtyrý jaǵdaıy tirkelgenin habarlady. Naýqastaný kórsetkishi 100 myń turǵynǵa shaqqandaǵy mejelik deńgeıden 2 ese az. Naýqastanǵandardyń 97 paıyzy - Petropavl turǵyndary.
«Ulttyq saraptama ortalyǵynyń juqpaly aýrýlar zerthanasy tumaýdyń 5 jaǵdaıyn rastady: onyń biri - «V» túri bolsa, tórteýi - «A/N1N1pdm-09» maýsymdyq túri. Sondaı-aq, oblys aýmaǵynda basqa da vıtrýstyq ınfektsııalar taralǵan: 1, 3, 4 túrindegi paragrıpp, rınosıntsıtıaldyq vırýs, metapnevmovırýs, rınovırýs, bokavırýs, adenovırýs, koronavırýs», - dedi F. Muhamedjanova.
Óńirde epıdemıologııalyq maýsym bastalǵaly beri 12 myń JRVI jaǵdaıy tirkelgen. Onyń basym bóligi - 14 jasqa deıingi balalar. Departamentte atap ótkendeı, JRVI-men jappaı naýqastanǵan oqýshylar tirkelmegen. Bilim berý mekemelerinde oqý protsesi toqtatylǵan joq.
