SQO-da bir aptanyń ishinde 21 adam koronavırýstan kóz jumdy

PETROPAVL. QazAqparat – Soltústik Qazaqstan oblysynda koronavırýstan qaıtys bolǵandardyń sany 227 adamǵa jetti, tek sońǵy bir aptada 21 adam kóz jumdy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, ótken aptada óńirde koronavırýs juqtyrǵan 118 adam tirkeldi. 4 qazannan bastap aýyrǵandar sany artyp keledi. Jalpy sońǵy bir aptada oblysta 642 syrqat anyqtaldy.

Qaıtys bolǵandar sany da kóbeıgen. 1 qazannan bastap 21 adam kóz jumsa, onyń úsheýi ótken táýlikte ómirden ozdy. Jalpy óńirde 227 adam koronavırýstan qaıtys boldy.

Mamandardyń aıtýynsha, óńirde koronavırýspen aýyrǵandarǵa arnalǵan 1200 oryn bar. Qazir ol 56,6 %-ǵa tolyq. Infektsııalyq statsıonarda 661 syrqat bar, emdeý mekemesi 60 %-ǵa júktelgen. Aýyryp jatqandardyń 47-siniń hali nashar.

SQO-da koronavırýspen aýyrǵandar sanynyń artýyna baılanysty 9 qazannan bastap shekteý sharalary kúsheıtilmek.

Al úı karantınin saqtamaǵan 66 adamǵa 2 mln 800 myń teńgege jýyq aıyppul salyndy.