SQO-da bir aptada koronavırýs juqtyrǵandar sany 1,6 ese ósti
SQO sanıtarııalyq-epıdemıologııalyq baqylaý departamentiniń málimetinshe, ótken táýlikte óńirde koronavırýs juqtyrýdyń jańa 39 jaǵdaıy tirkeldi.
Aýyrǵandardyń 20-sy Petropavlda anyqtalǵan.
«Sońǵy aptada aýrý 135-ten 224 jaǵdaıǵa deıin, 1,6 ese ósti. Syrqattanǵandardyń 81 %-y aýyryp túsken. Aýrýdyń ósýine mamyr merekelerin toılaý kezinde áleýmettik baılanystyń artýy, halyqtyń karantındik sharalardy saqtamaýy sebep», - deıdi SQO sanıtarııalyq-epıdemıologııalyq baqylaý departamentiniń basshysy Áset Jumataev.
Jalpy oblysta barlyǵy 14,5 myń adam KVI juqtyrdy. Onyń 59 %-y medıtsınalyq kómekke júgingen adamdar arasynda tirkelgen. 25 %-ynda aýrý adammen baılanysta bolǵandardan anyqtaldy. 16 %-y profılaktıkalyq tekserý kezinde tirkeldi.
«Koronavırýsqa qarsy vaktsınatsııa júrgizilip jatyr. Osy ýaqytqa deıin 70 217 adam birinshi komponentin, 35 117 adam preparattyń eki komponentin aldy. Turǵyndar sońǵy kezde tártipti umytyp, qoǵamdyq oryndarda maska taǵýdy, áleýmettik ara qashyqtyqty saqtaýdy qoıdy. Sonyń saldarynan ınfektsııa taraı bastady. Vaktsınatsııanyń nátıjesi bar. Biraq, áli ımmýnıtet qalyptastyryp úlgergen joq. Sol sebepti oıyn-toılardy ótkizbeýge, adam kóp jınalǵan oryndarǵa barmaýǵa, qoldy jıi jýyp, maska taǵyp júrýge keńes beremiz», - deıdi Áset Jumataev.
SQO-da búgin bas memlekettik sanıtar dárigerdiń jańa qaýlysy shyqty. 27 mamyrdan bastap óńirde karantındik shekteýler qaıta kúsheıtiledi.
