SQO-da bir aptada 88 ret karantın talaby buzylǵan
PETROPAVL. QazAqparat – Soltústik Qazaqstan oblysynda monıtorıng toptary qoǵamdyq oryndardy tekserip, ótken aptada 88 karantın shekteýin buzý deregin anyqtady, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, monıtorıng tobynyń quramyna tártip saqshysyy men sanıtarııa dárigeri, prokýratýra jáne jergilikti ákimdik ókilderi kirgen. Toptyń maqsaty – Ákimshilik kodekstiń «Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý» babyn buzýdyń aldyn alý jáne túsindirý jumysyn júrgizý.
Monıtorıng toby músheleri nysandardy aralaý barysynda jeke qorǵanysh quraldarynyń – maska men qolǵap kııýdi tekseredi. Karantın shekteýine baılanysty qajetti qujattardyń tekseredi.
Petropavldaǵy 2-Zarechnyı kóshesindegi dúkenniń birinde qujat jýrnaly múlde bolmaǵan. Internatsıonal kóshesindegi eki dámhana da bul talapty buzǵan. Al Jambyl kóshesindegi dámhana ruqsattyń joqtyǵyna qaramastan demalys kúnderi klıent qabyldaǵan.
«Ótken aptada sanıtarııa talaptaryn buzýǵa qatysty 88 derek anyqtaldy. Onyń 70-i jeke tulǵa, 18-i zańdy tulǵaǵa qatysty. Monıtorıng toptary tosynnan tekserýdi jalǵastyrady. Karantın talabyn qoǵamnyń ár múshesi qatań ustanǵanda ǵana qaýipti ınfektsııamen kúrese alamyz», - deıdi oblystyq PD Jergilikti polıtsııa qyzmeti basqarmasynyń bastyǵy Aıdyn Baımatov.
SQO-da shilde aıynan beri monıtorıng toptary Ákimshilik kodekstiń 425-baby boıynsha 2 129 quqyqbuzýshylyqty anyqtady.
