SQO-da bir aptada 6,5 myńnan astam adamǵa koronavırýs vaktsınasy egildi
PETROPAVL. QazAqparat – Soltústik Qazaqstan oblysynda turǵyndar tarapynan koronavırýs vaktsınasyna suranys artty. Osy kúnge deıin 21 myńǵa jýyq adamǵa ekpe egilse, sońǵy aptada 6,5 myń adam vaktsınanyń birinshi komponentin qoıǵyzǵan, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, koronavırýsqa qarsy vaktsınanyń birinshi komponentin 1 aqpannan bastap 20 912 adam aldy. Ekinshi komponenti 3 907 adamǵa salyndy.
«Vaktsına salǵyzǵysy keletin turǵyndar sany artty. Máselen 13 sáýir kúni ekpeniń birinshi komponentin 14 644 alsa, bir aptanyń ishinde ol shamamen 6,5 myń adamǵa kóbeıgen. Oblys vaktsına egý josparyn artyǵymen oryndap jatyr. Ekinshi komponenti osy kúnge deıin 3907 adamǵa egildi. Qazir ony negizinen muǵalimder saldyryp jatyr», - deıdi SQO densaýlyq saqtaý basqarmasynyń baspasóz hatshysy Gúlnar Qalıeva.
SQO – koronavırýsty juqtyrý boıynsha «sary aımaqta». Ótken táýlikte qaýipti ınfektsııany juqtyrýdyń jańa 27 jaǵdaıy tirkeldi. Jalpy aýyrǵandar sany – 13 641. Olardyń 13 108-i táýir boldy. Osy aralyqta 42 adam qaıtys boldy. Qazir oblystaǵy ınfektsııalyq statsıonarlar 34 %-ǵa tolǵan. 18 adamnyń jaǵdaıy aýyr.
