SQO-da bir aptada 500-den astam adam elektrondyq tsıfrlyq qoltańba aldy
Memlekettik qyzmet isteri jáne sybaılas jemqorlyqqa qarsy is-qımyl agenttiginiń SQO boıynsha departamenti baspasóz qyzmetiniń habarlaýynsha, departament jáne «Azamattarǵa arnalǵan úkimet» memlekettik korporatsııasynyń fılıalymen birlese jasaǵan kestesi bar. Soǵan oraı mobıldi Halyqqa qyzmet kórsetý ortalyqtary barlyq aýyldyq okrýgterdi jáne eńbek ujymdaryn qamtymaq.
«Úıde otyryp memlekettik qyzmetti alý ásirese shalǵaıdaǵy eldimeken turǵyndary úshin yńǵaıly. Sol sebepti mamandar aýyl-aýyldy aralap, turǵyndardy úıretip jatyr. Sondaı-aq semınarlar tek memlekettik qyzmetkerlerdi ǵana emes, jekemenshik uıymdardyń jumysshylaryn da qamtıdy.
Іs-shara barysynda E-gov portalynda suranysqa ıe anyqtamalardy alý joly túsindirilip, kórsetiledi. Olardyń quqyqtary túsindirilip, bir rettik sms-qupııa sózdi engizý jáne TelegramBot Egov.Kz. servısin qoldaný arqyly memlekettik qyzmet alý tásilderi kórsetildi. Budan basqa turǵyndarǵa memlekettik qyzmet sapasyn baǵalaýǵa múmkindik beretin Digital agent mobıldi qosymshasy tanystyrylady", - deıdi departament ókilderi.
Ótken aptada mobıldi Halyqqa qyzmet kórsetý ortalyqtary Taıynsha, Tımırıazev aýdandarynyń birneshe aýyldyq okrýginde, Esil, Aqqaıyń, Ýálıhanov aýdandaryndaǵy Kásipkerler palatasynyń fılıaldarynda jáne Ulttyq Ulan Áskerı ınstıtýtynda, Petropavldaǵy birneshe mekemede boldy. Nátıjesinde 801 adam oqytylyp, 500-den astam adam elektrondyq-tsıfrlyq qoltańba aldy.
Mamandardyń aıtýynsha, elektrondyq qyzmet alýdy ár adam ózdiginen oblystyń mektepteri men ákimdikterinde ornalasqan ózine ózi qyzmet kórsetý oryndarynda úırene alady.
