SQO-da bir aptada 16 adam koronavırýstan kóz jumdy

PETROPAVL. QazAqparat – Soltústik Qazaqstan oblysynda 2 tamyzdan bastap koronavırýstan 16 adam kóz jumyp, 56 adam ókpeni jasandy jeldetý apparatyna qosylǵan, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, maýsym aıynda koronavırýsty 503 adam juqtyrsa, shildede aýyrǵandardyń sany 2601-ge jetti. Al tamyzdyń on kúninde KVI-di 1383 adam juqtyrdy.

Qaıtys bolǵandar sany da kúrt artty. 2 tamyzdan bastap óńirde 16 adam qaýipti ınfektsııadan kóz jumdy. Onyń úsheýi ótken táýlikte qaıtys boldy. Qazir ınfektsııalyq statsıonarlarda 781 adam emdelip jatsa, sonyń 56-synyń jaǵdaıy asa aýyr.

Koronavırýsty juqtyrýdan Petropavl alda keledi. Aýyrǵandardyń jartysyna jýyǵy oblys ortalyǵyna tıesili.

Ótken táýlikte SQO-da KVI juqtyrýdyń jańa 156 jaǵdaıy tirkeldi. Aýyrǵandardyń jalpy sany 19 272 adamǵa jetti. Táýir bolǵandar – 17 631. Infektsııalyq statsıonarlarda 1715 oryn bolsa, ol shamamen 48 %-ǵa tolǵan.