SQO-da bir apta buryn joǵalǵan er adamnyń denesi tabyldy
PETROPAVL. QazAqparat – Soltústik Qazaqstan oblysynda túnde dosynan shyǵyp, kórshi aýyldaǵy úıine kelmeı qalǵan jigittiń denesi tabyldy, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, Aleksandrdyń denesi 14 naýryz kúni saǵat 19.30 shamasynda Petrovka eldi mekeninen 10 km jerde tabyldy. Búrisken múrdeni jylqylardy izdeýge shyqqan sol aýyldyń jylqyshysy butalardyń arasynan baıqap qalǵan. Denede zorlyq-zombylyq belgileri bolmaǵan.
Esterińizge salaıyq, Esil aýdany Aleksandrovka eldi mekeniniń 33 jastaǵy turǵyny Aleksandr Kapelıýk 6 naýryz kúni joǵalǵan edi. Dosynyń úıinen túngi saǵat 3.30 shamasynda shyǵyp ketken jigit, boranǵa qaramastan aýylǵa jaıaý barmaq bolǵan.
Іz-túzsiz ketken er adamdy tabýǵa qutqarýshylar, polıtseıler, jergilikti bılik ókilderi, Aleksandrdyń áriptesteri – 40 shaqty adam jáne 10 shaqty tehnıka jumyldyryldy, biraq nátıje bermedi.
