SQO-da byltyr jumys ornynda 11 adam qaıtys bolǵan

PETROPAVL. KAZINFORM – Soltústik Qazaqstan oblysynda byltyr jumys ornynda jazataıym oqıǵa kezinde 38 adam zardap shekken, onyń 11-i qaza tapty.

Ulttyq statıstıka bıýrosynyń SQO boıynsha departamenti baspasóz qyzmetiniń málimetinshe, zardap shekkenderdiń 23,7% - áıelder, qaıtys bolǵandar arasynda áıelder bolǵan joq. 2022 jylmen salystyrǵanda jazataıym oqıǵalardan zardap shekkenderdiń sany 7,3% azaıǵan. 

Ótken jyly barlyq zardap shekkenderdiń 65,8% – jeke menshik kásiporyndar men uıymdarda, 26,3% – memlekettik jáne 7,9% – shet eldik zańdy tulǵalardyń menshigindegi kásiporyndarda jumys istegen. 

Óndiristegi jazataıym oqıǵalar kezinde zardap shekkenderdiń árbir úshinshisiniń derlik biliktiligi bolmaǵan jumysshy. 

Zardap shekkenderdiń eń kóbi - 12 adam óńdeý ónerkásibinde jumys istegen. 

Óndiriste jaraqat alýdyń negizgi sebepteri - óreskel abaısyzdyq, saldarynan 13 jumysshy zardap shekken. Ekinshi orynda jumystyń durys uıymdastyrylmaýy tur, osylaısha 12 jumysshy jaraqattanǵan. Al qaýipsizdik jáne eńbek qorǵaý qaǵıdalaryn buzýdan 5 adam zardap shekti. 

12 adam qulap jaraqat aldy; zııandy jáne qaýipti óndiristik faktorlar men zattardyń áserinen – 6; zattardyń, materıaldardyń qıraýynan, jerdiń opyrylýynan, ushyp júrgen, aınalmaly zattar men bólshekterdiń áserinen 5 adamnan zardap shekti.

Óndiriste 8 adam jabyq synyq aldy, 6 adamnyń mıy shaıqalyp, ishki aǵzalary jaraqattanǵan, 5 adamdy jándikter shaǵyp alǵan. 

Óndiriste bolǵan jazataıym oqıǵalar boıynsha byltyr 100 mln teńge shamasynda materıaldyq tólem jasalǵan, onyń 94,8 mln teńgesi – birjolǵy járdemaqylar, al 5,4 mln teńge eńbekke jaramsyzdyq paraǵy boıynsha tólendi.

Buǵan deıin Petropavlda tasqynnan zardap shekken 31 otbasynyń baspanaly bolǵanyn aıtqan edik.