SQO-da byltyr týberkýlez aýrýynan 8 adam qaıtys boldy

PETROPAVL. KAZINFORM – Soltústik Qazaqstan oblysynda týberkýlezge shaldyqqan 225 adam dıspanserlik esepke alynǵan.

SQO ftızıopýlmonologııa ortalyǵynyń málimetinshe, dáriger esebinde turǵandardyń beseýi – bala. 139 naýqasta týberkýlezdiń kóptegen dárige tózimdi túri anyqtalǵan.

Budan bólek tolyq em alǵan, biraq baqylaýda turǵan 397 adam, onyń ishinde 10 bala bar. Al 7 adamnyń dertti naýqaspen qatynasta bolyp juqtyrǵandyǵy anyqtaldy.

- Týberkýlez aýrýynan kóz jumǵandar sany azaıyp keledi. 2015 jyly 22 adam qaıtys bolsa, byltyr 8 naýqas dúnıeden ótti. Olardyń barlyǵynda týberkýlez asqynǵan. Sonymen qatar 87,5% (7 adam) – 2-ýi VICh-pen esepte turǵan, qalǵandary nashaqorlar men maskúnemder. Sondaı-aq olardyń altaýy esh jerde jumys istemegen, ekeýiniń turǵylyqty mekenjaıy bolmaǵan, - deıdi ortalyq mamandary.

Týberkýlez juqtyrǵandardyń ortasha jasy – 20-50 aralyǵynda. Sondaı-aq, bul dertpen er adamdar kóbirek aýyrady, syrqattanǵandardyń 30% ǵana áıelder.

- Byltyr aýyrǵan 167 naýqastyń 77-si – jumyssyz, 7-ýi – stýdentter men mektep oqýshylary, 43-i – zeınetkerler, 26-sy – maskúnemder men nashaqorlar jáne 17-si – VICh juqtyrǵandar. Turmys jaǵdaıy jaqsy adamdar týberkýlezben óte sırek aýyrady. Olardyń boıynda basqa qosymsha aýrýlar – qant dıabeti, ókpeniń sozylmaly aýrýy, t.b. bolýy múmkin. Olar qater tobyna jatqyzylyp, jylda flıýorografııalyq tekserýlerden ótedi, - deıdi dárigerler.

Buǵan deıin Qazaqstanda týberkýlezben syrqattanýshylyq 13%-ǵa, ólim-jitim 25%-ǵa tómendegenin jazǵan edik.