SQO-da byltyr orman zańnamasyn buzǵandarǵa 4,5 mln teńge aıyppul salyndy

PETROPAVL. KAZINFORM – Soltústik Qazaqstan oblysynda orman sharýashylyǵyn damytýda órt qaýipsizdigi men zamanaýı tehnıkamen qamtý basty nazarǵa alynǵan. 

SQO tabıǵı resýrstar jáne tabıǵat paıdalanýdy retteý basqarmasynyń málimetinshe, keıingi úsh jylda bólingen 500 mln teńgeden astam qarjyǵa órt sóndirý jáne patrýldik kólikter, mototsıklder, orman qoryna monıtorıng jasaýǵa qajet kvadrokopterler satyp alyndy. Budan bólek lızıng arqyly 29 órt sóndirý mashınasy, 27 shaǵyn orman órt kesheni, 51 traktor alynyp, óńirdegi órt qaýipsizdigin kúsheıtti.

Byltyr «Lesohranıtel» atty órtti erte anyqtaýdyń avtomatty júıesi 7 orman mekemesinde paıdalanylyp, órt oshaqtaryn ýaqytynda anyqtaýǵa múmkindik berdi. Qosymsha ınteraktıvti beınebaqylaýdyń 16 júıesi bar. Sonymen qatar 215 mln teńgege Býlaevo qalasynda jańa zamanaýı orman órt stantsııasy ashyldy. 

– Órt qaýipti kezeń bastalysymen turǵyndarmen órttiń aldyn alý jumystary kúsheıtiledi. Reıdter uıymdastyrylady. Byltyr orman zańnamasyn buzǵandarǵa 133 hattama toltyryldy. 4,5 mln teńge ákimshilik aıyppul salyndy. Keltirilgen shyǵyn – 1,5 mln teńge óndirilip alyndy, - deıdi basqarma mamandary.

Aıta keteıik, byltyr oblysta 4 orman órti tirkelip, jalyn sharpyǵan aýmaq 9,89 gektardy qurady. 

Buǵan deıin Abaı oblysynyń ormandarynda jabaıy janýarlar qutyrýynyń aldyn alý kúsheıtilgenin jazǵan edik.